Abusos comesos a Lleida per Petrus de Lobeira

21"> ABUSES COMMITTED IN LLEIDA BY PETRUS DE LOBEIRA (Late 12th or early 13th century) Cosa sabida és que Petrus de Lobeira can enparà justícia de Lèrida se vanà [t] dis que aizò fazia per amor de Déu e per salvament de s'ànima, e seria fidels a tot lo pobol de Lèrida [t] dominis; [t] de um an enzà sabem que l'amor de Déu e aquel salvament fo aitals qual podez auzir. Esters zo d'abans que avia fait, e sabem [t] és vers que P. d'Orso e R. de Miravet foren pres a equela torre de·n Mir de·n Ramon Ramon per rauberies e per males faites e per ladronices que avia fait, [t] foron mès en poder de Petro de Lobeira; [t] él no·n volc far justicia, [t] envià los en, [t] près de Petro d'Orso ·VIIII· morabetins qui esgarrà ·I· clericum, [t] de alio no sabem cant. E·n avant fo pres Tomeu e altres homes [a] Algoira, [t] dominus rex mandà solver Tomeu; [t] Petrus de Lobeira fé-li jurar que li dés ·IIII· morabetins quan alres no·n poc aver. Pois can lo rei mudà bailes in Lèrida [t] gitavit Jafia, totavia desmantenc los bailes e fo àvols a éls en totes causes e contrarios, perquè lo senor rei perdet gran partida de sos d[r]eiz. E pot esser mostrat per quels bailes [t] per los homes de la vila qui lo viren. E·n avant vénc Bernardus d'Ager [t] demandà-li lo terz de ·CC· morabetins[...] volc li donar fermanzes que dreit li fezés, per nom Wilelm de la Ridorta, o Wilelm Freant, o Petrum Gilabrun, o Andreu de Senaoja, e no·l vauc anc re; et sobra tot aizò pecijà-li la casa e·sfrais-li la carta e l'asegurament del rei que trazia a garent, e traselet·í sos

draps de sa cambra ante probi hominibus suprascriptis qui hoc viderunt et alii multi[...] Pois fé un ome corre del mercadal cum una fèmina per azulteri, e pois que justícia agren passada e complida fé los pecijar e raubar l'arberc. A enant un baquelar emblà ad reginam una sarraïna, et raubà molta, et Bort de Girona trobà lo baquelar in Lèrida e mostret lo a P. de Lobeira per mandament de regina, e P. de Lobeira no·l volc pendre; e·l baquelar fogí-se·n per colpa de lui. Et est testis Umbert de Fontanes et R. de Lerat et Johan de Willelm Peira[...] E·n avant la obra del pont era remasa, e fo fait acorder que tuit i donéssem; e per Petre de Lobeira remàs qui dis que compraria lo pont tot, e faria estars desús lai e·n la vila a son major deport, et dis que·y daria ·CCCC· morabatins. E li ome qui o auziren agron àvol cor, e no·í volgren ren dar; e remàs la obra del pont. Un mancip fo trobat mort en Lèrida, et fuit dit quod una fèmina l'avia mort que ja n'avia altra mort, et aneren ad feminam et fuit presa. Et P. de Lobeira mès-la in sua domo et dixerit que fos gardada de fresc, que las altres fembres ó conoiserien ben. E domentre que pogra esser conogut per veritat no la volc far jutgar, ja fos ezò que li prohome lo í dizien ben; e ipse P. de Lobeira dis que ja no la trairia a jutgament, que malauta era de febres. Et quant ela fo banada et costoida e om no poc conoisser en lei la malafaita, él la trasc ad jutgament en aprés tres sepmanes; e li prohome dixerent que res la doncs no podien jutgar quan de primer no la trasc a jutgament can pogué esser conogut[...] E·n avant clamavit se Petrus Estrader ad Petrum de Lobeira de ·C· solidos que li devia A de Prades[...]t Petrus de Lobeira dix que aquels ·C· solidos feria pagar anz que A. de Prades eissís de son poder. E tenc lo pres can se volc e laisset-le·n anar, sí que los ·C· solidos no fedz pagar, perquè nos és viaire que la us ne presés.