Tençó feta entre Jacme Rovira e Bernat de Mallorques l'any MCCCLXXXVI

13 - (Poèt.) 1386 (Mallorca (?) i Tolosa de Llenguadoc) Jacme Rovira i Bernat de Mallorques TENÇÓ FETA ENTRE JACME ROVIRA E BERNAT DE MALLORQUES L'ANY ·MCCCLXXXVI· Sénye·n Bernatz, dues puncelhas say eguals de pretz, de bondat, de riquesa, e lurs donzelhs d'amar l'una se presa, mas elha ges no·l vol ne·l te p[er] gay. 5 L'autra vos dich que l'ama coralmén, d'on grans servirs le fay ses mesura e·z elh en re d'emar liey no se cura. Diatz-me leu de qui·s deu far s[er]vén. Jachm[e] Responch-vos donchs, pus que ve·l temps d[e] may 10 Jaymés ysnelhs Rovira, ples d'abtesa: l'escuder gay complitz de gentilesa, pus qu·elha·l vol, sembla·m que·z ella·l play; tant qu'yeu vos dich mon afar de present: la que·z elh platz ges de liey non ha cura 15 ans nueyt e jorn fa d'aquelh sa rencura delan me crits deu estr·obedién. B[er]n[a]tz Qui los joyelhs d'amor vol hav[er] may fferms e leyals deu star ab gayesa; e si non és, tota res lo menyspresa 20 e pus amor pert lo seu nom veray; perquè mi par q[ue]·l donzelh fermamén deu mils servir la que vol d'amor pura, e no curant si bé·s mostrarà dura, car trebalhs grans venç affany v[er]amén.

[Jacme] 25 Totz fis ayma[n]s d[e] bon cor mantindray en fayts subtil, ses neguna falcesa, per sustenir femna qu·eb saviesa vol fin amor, per cert deffensaray; car no deu hom perlar fentamén 30 d'amor leyal ab gent d'auta natura, mas ajudar si, com ditz l'Escriptura: cel qu·éz amatz deu amar leyalmén. B[er]n[a]tz Lo Déus d'amor tempta·ls aymans de çay si trobarà dins lur cor fortelesa, 35 com Jh[esú]s fech a joch ab gran empresa; perquè·lh donzelh no deu hav[er] smay d'amar si donchs p[er] sciença perdén, la qual mot fort rem tota criatura, e deu haver esper dins sa clausura 40 car Déu no falh als sperans fortmén. Jachme Qui vol mu[n]tar pus alt q[ue] Déus no play no·s fis aymans ni víu ges ab franquesa, can li defalh lo sen e saviesa; qui mu[n]ta mays q[ue] no deu trop bays cay, 45 si com ha dit Jh[esú]s al mandamén qu·éz amar Dieu qui ama p[er] dretxura e no fazent a·z altra fort fatxura: pus qu'amatz és deu amar fizelmén. B[er]n[a]tz Mos jutges proz en aquest pertimén 50 serà, si·l platz, dreg seguín d'amor pura le sen Germà de Gontaut, on atura granda valors e bontatz eysamén.

Jachme Mossè[n] Ramon, que bon entendimén, Galbarra, vulh, sens naguna rancura, 55 per la meu part, car ha testa madura, que·ns farà dar en breu lo jutgamén. B[er]n[a]tz Sentença donada p[er] los jutges, ço és, los ·VII· mantenidors de Tholosa, lo jorn de Sancta Creu de may, ab la qual fon condempnat B[er]n[a]tz Nós, jutges p[er] vós elegitz, vostres p[ro]cés vists e legitz, haüt conselh de grans senyors, 60 cavalhiers, d[e] burguès e doctors, sperts en la gaya sciença, la qual al fis aymans agença, e sisens en part tribunal jus la maysó comunal 65 on serà n[ost]re jutgamén ffasén dretxura claramén, e·ls sants Aveng[e]lis denan, ab n[ost]res mans dretxes senyan, ni tes hulhs vesén equitat: 70 dizén qu'aycell anamorat deu amar liey que·z aman fort servén de bon cor tro la mort, car lonch temps aman e servén ffarà vinclar l'entendimén 75 d'aycelha que no·l vol amar car per servir e·z amb preguar Dieus éz auzits lo pecador; donchs, segons l'ús de fin·amor no le·n deu gens desemperar, 80 mas tostemps servir e·z honrar, car amant contra son voler d'altre no deu haver plaser. E p[er] ço la sentença dam e·z en les despeses condempnam 85 en B[er]n[a]t, car ha mal causit. Axí vos havem diffinit

nostre p[ro]cés al Cocistori, [sic] denant les géns notori. Dades foran al mes de may, 90 lo jorn q[ue] l'auzel són gay, en l'any de ·deu_mil_e_CCC· ladonchs corrien, veramens, affigint-hi ·vuytanta_seys·, sapiatz, ni mas ni menys. Ffinit